First day of teaching 點解九月二號先叫 first day of teaching? 因為尋日上左堂等於冇上過 lor 話說尋日本來就淨係頹到得一堂天文 Nature of the universe I 點知 instructor d notes 放哂上網 而又唔知點解上唔到網 咁就搞到冇野教, 落堂!! 不過好彩之後三點我都搵左 d 野做 就係去 sit 下 Introduction to accounting 呢堂我係今日先上既 不過反正冇野做 而五點鐘又有個統計及精算 department 既 reception 咁咪去 sit 下堂當 pre 下 lesson lor 個 instructor 都 okay 唔錯 應該會教得幾好 而咁 arm 今日我果堂都係果個 instructor 將會比佢教 1 個 sem 至於上面提到既 reception 都係介紹下 d professor 比大家識 重點都係之後既 tea gathering 食下野, 飲下野, 吹下水 之後就番左屋企喇 咁頹既 day one 真係唔多值得提 ===== 我是分割線 ===== 我是分割線 ===== 今日就精彩 lor 第一堂係八半堂 即係番八點半 八點半去到 theatre 當然要預早 d 啦 所以今朝我五點半天未光就起左身 六點半出門口 番到港大差唔多八點 見咁早返到於是就去左 CYM Canteen 睇下書打發下時間 見到 Kenneth, 佢都係同我一樣上 Basic applicable mathematics 呢科係比 d 想 major Risk Man 但係又冇讀 AL Pure 既人 take 既 個 instructor 都幾後生 成日都覺得 Maths d instructor 應該都係有番咁上下年紀既 呢個 instructor 暫睇都唔錯 今日教左少少 Sets 既野 即係 Pure 既 Chapter 0 以後一三五都要上呢堂八半…… 完左即刻跑去 TT Tsui 上 account 去到 KK Leung 見到 Starbucks 派咖啡 於是順手拎左杯再繼續行程 去到 instructor (即係尋日我 sit 堂果個) 都係 arm arm 到 所以拿拿林飲埋杯 coffee 就入去上堂 今日呢堂其實同尋日 sit 果堂既內容一樣 就連 instructor d gag 都同尋日一樣 (可能佢冇乜貨) 由於上過尋日果堂 佢問果 d 野我都識答 所以可以扮哂 active student 答問題 完左 account 就要 hea 一個鐘 之後上 Probability and statistics I 呢堂犀利喇 多人多到成個 theatre 坐滿左 遲黎果 d 仲要同樓梯 不過我相信一兩個月後又係另一番景象 到時可能淨番十零廿個人上堂 今堂都係 up 下 d probability 野 好似 expected value 果 d 不過主要係比 d example 出黎 唔係教書 完左 stat 堂出左月明泉影班相 好多人都走哂唔黎影 不過反正我仲有幾個字先上下一堂 而且我又 join 過 stat so 既 ocamp 咪搵埋 d 組 mates 一齊去影 law 影完又要行去 KK Leung 上英文堂 英文堂 total 得 17 人 名副其實小班教學 個 instructor 又係好後生果 d 諗番起 Miss Au AMY 以前都響澳洲 d 大學教過英文 個 instructor 都幾 friendly 佢同我地講解下呢科既野 之後……突擊測驗!! 限時 30 分鐘做左份同 plagiarism 有關既野 不過唔計分既 完左英文堂今日既堂就上哂喇 hea~~~~~hea~~~~~~hea~~~~~ 去到 6 點半 過左開心公園 join 番 ocamp d 組 mates 今晚 re-u 去左西環大盛食 每人都係 60 幾蚊 完左九點半 我就同 2 個組爸 + 2 個組 mates 坐叮叮過中環搭地鐵番屋企 原本我地組人之後仲有節目 不過我見今日七月十四都係唔好玩咁夜 早 d 番屋企好過 So 我地成組分開左兩 group 一 group 繼續, 一 group 走 我當然係後者啦 就係咁 我既真正 first day of teaching 就完左喇 聽日要上中文堂同一堂 stat 既 Data management 返下晝一點, 正 | 
